Dy’t Er leafhat, jout Er it yn ‘e sliep
 
As de Heare it hûs net bout,
Om ‘e nocht wurkje de bouwers deroan;
As de Heare de stêd net hoedet,
Om ‘e nocht is de wachter op syn iepenst.
Om ‘e nocht is it,
Dat jimme der ier-en-betiid ôfkomme
En let op bêd geane,
En sa it soer fertsjinne brea ite-
dy’t Er leafhat, jout Er it yn ‘e sliep.
Psalm 127: 1-2
 
 
Hoe moast dit lêze? God as regisseur fan dyn libben? Wêr hasto de kar en wêr net?
Soms liket it wolris sa dat neat slagje wol, alles mislearret. En dan samar yniens giet alles fansels.
De tiid is der ryp foar, sizze guon minsken wolris… Mar is dat God, dy’t dat docht?
Ik tink net datst dy God foarstelle moast as in man oan de knoppen, mar wol as Ien dy’t dy ta dyn rjocht komme litte wol. Dy dwaan litte wol wêrst dysels goed by fielst.
Soms moast dêr sels earst efter komme. Der in nachtje oer sliepe. En it moaie is, God jout dy de antwurden yn de sliep en noch folle mear!
Antje van Schepen